Kitty Grande

Kitty Margrete Sørensen vart fødd i Strinda 22.3.1919 og dødde i Stockholm 26.1.1999.

Etter folkeskolen gjennomførte ho husmorskole og kurs i barnepleie. Ho vart medlem av Nasjonal Samling i 1941. I 1938 gifta Kitty seg med den seks år eldre arkitekten Fredrik Lorange frå Oslo, også han nasjonalsosialist. Etter at Hitler gjekk til krig mot Sovjetunionen 22. juni 1941, meldte Fredrik Lorange seg til tysk krigsteneste i den nyoppretta SS-Freiwilligen-Legion Norwegen, oftast omtalt som Den norske legion

Det er usikkert når Kitty Lorange innleidde eit intimt forhold til politimannen og NS-medlemmen Ivar Grande. Trulig var det kort tid etter at ektemannen reiste til austfronten. Forholdet førte til at Grande vart skild. Ved årsskiftet 1941-42 leigde Ivar Grande eit rom hos mor til Kitty Lorange, Olga Marie Sørensen, i Innherredsveien 125.

Kitty Lorange var tilsett i Sonderabteilung Lola frå juni til desember 1942. Ho gjennomførte mange agentoppdrag og leiligheita hennes i Erling Skakkes gate 52 vart brukt når Henry Rinnan hadde møte med negative agentar.

Misnøye med henne frå Rinnan og Sicherheitsdienst si side førte til at ho i desember 1942 vart arrestert og plassert i fangeleiren Grini. 15. februar 1943 vart ho sendt til kvinneleiren Ravensbrück som Nacht und Nebel-fange. Ho vart sleppt fri etter at den fire år gamle sonen Vidar omkom i ei ulykke 1. august 1943. Det er feilaktig hevda at ho etterpå tok opp igjen aktiviteten som agent for Rinnan.

3. juni 1944 gifta Kitty Lorange seg med Ivar Grande i Nidarosdomen. 11. desember 1944 vart ho enke da Grande vart likvidert av Heimefronten i Ålesund. Da var ho gravid. (Klikk for å sjå detaljar frå klokkarboka for Nidarosdomen.)

I landssvikoppgjeret fekk Kitty Grande ein dom på 20 år. Ho flytta seinare til Sverige og vart gift med ein franskmann.

I rettssalen: Kitty Grande (6) og Inga Lerfald (7).

Lenker frå denne sida: