Ingeborg Schjevik

Ingeborg Schjevik vart fødd i Trondheim 9.10.1923 og dødde på Inderøya 12.05.1945. Seksten år gammel meldte ho seg inn i Nasjonal Samlings Ungdomsfylking. I mai 1942 vart ho verva som agent av Henry Rinnan. Ho var meir eller mindre aktiv i miljøet omkring Sonderabteilung Lola heilt fram til den tyske kapitulasjonen. Trulig var ho agent eit års tid. I kortare perioder fungerte ho også som kontorhjelp.

Den siste tida var Ingeborg Schjevik forlova med bandemedlemmen Karl Dolmen. I mai 1945 mista begge livet under flukt på Inderøya i Nord-Trøndelag. Dei første meldingane gjekk ut på at paret hadde tatt livet av seg med ein handgranat, men dei kan også ha blitt drepne da Dolmen prøvde å kaste granaten mot folk som nærma seg

På familiegrava på Tilfredshet kyrkjegard i Trondheim er det foto av tre søstre Schjevik: Anne (1933-41), Rønnaug (1927-1944) og Ingeborg. Faren Arthur Schjevik var i ein periode Henry Rinnans frisør og hadde salong i Nedre Bakklandet 78, ei adresse som no hører til i Innherredsveien. Familien budde i andre etasje. Det var berre Ingeborg som meldte seg inn i Nasjonal Samling. Rønnaug var i periodar ein del av det sosiale miljøet omkring Rinnanbanden, men aldri agent. Ho dødde av sjukdom hausten 1944.

Ingeborg Schjevik var skolevenninne av Gunnlaug Dundas og var den som i desember 1944 introduserte henne for Henry Rinnan.

Lenker frå denne sida: